Pelikulang "One More Try", kinukuwestyon?

Uso sa Pilipinas ang magsabi ng DINAYA. Kahit saang bagay, basta nakakaungos ang isang tao o isang bagay sa iba, sasabihan ng DINAYA sila.

Mahirap yata talaga sa Pinoy tumanggap talaga ng pagkatalo, kasi gusto nila sila lang ang magaling at nakakalamang sa mga kasabayan nila.

Gaya ng pelikulang ONE MORE TRY ng Star Cinema kung saan bida sina Angel Locsin, Dingdong Dantes, Zanjoe Marudo at Angelica Panganiban.

Dahil nga talunan sa pagka BEST PICTURE sa MMFF 2012 ang El Presidente at Thy Womb, nariyan na ang mga pambabanat ng mga detractors ng pelikula ni direk Ruel Bayani.

Kesyo mas historical ang movie ni ER Ejercito, kesa award winning abroad ang pelikula ni Nora Aunor.

Pero naisip ba ng mga mahilig lang pumuna na hindi lang pelikula nila ang pinalabas sa mga sinehan?
Napulutika man o hindi, kung talagang deserving ang movie nila, huwag nila iasa sa MMFF ang pagbibigay lang ng mga awards.

Nandyan pa ang FAMAS at URIAN.

Bawat panahon, nag iiba ang panlasa ng mga naghuhurado.

Hindi porket isang bayani ang ginampanan na role, pang best actor na. Hindi porket superstar ay laging best actress na. Hindi porket historical movie o pang international ang pelikula, pang best picture na.

Kesyo ginaya sa isang chinesse movie ang pelikula, eh halos lahat naman ng pelikula sa buong mundo magkakatulad. Hindi naman siguro nagkakaiba ang mga ideya ng writers dakung reyalidad sa totoong buhay ang pagbabasehan nila.

Its more fun in the Philippines talaga.